Sayda daxil olan kimi rus dili versiyası açılır. Əsas səhifə darıxdırıcıdır. Eyni zamanda fontlarda Ə hərfi fərqlənir. Əlaqə bölməsində telefon sözü ingiliscə qalıb. Digər dillərdə də məlumat Azərbaycan dilində yer alıb.

Dizayn cəhətdən sıxıcı saytdır. Ön səhifəyə slayder əlavə etmək olardı. Seçilən font Azərbaycan əlifbasını tam dəstəkləmir. Bizimlə Əlaqə bölməsində xüsusilə hiss olunur. Ümumilikdə sayt texniki cəhətdən normal çalışır.

Saytın dizaynı çox standartdır, bir az sıxıcı gəldi. Nədənsə birbaşa ingiliscə açılır və sanki ilk fokus xarici auditoriyaya nəzərdə tutulub. Ümumilikdə normaldır. Uğurlar arzu edirəm!

Vebsayt Dövlət və Elektron hökümət nominasiyasında iştirak etsəydi daha məqsədəuyğun olardı. Bəzi sözlərdə mexaniki səhvlər var. Məsələn: "Axtarış filterləri". "Standartların kataloqu" və "İstifadəçi təlimatları" bütün dillərdə Azərbaycan dilində yüklənir. Yaxşı olardı ki, saytın hər dil versiyasında həmin dilə uyğun dildə yüklənsin. Tövsiyyə olunur ki, bloq və ya xəbər bölümü aktivləşdirilsin və sayt buna əsasən mütəmadi şəkildə məzunu yenilənsin. Fəaliyyətinizdə uğurlar.